Danas objavljujemo pjesmu Tomislava Ribića nagrađenu na Recitalu suvremenog kajkavskog pjesništva "Dragutin Domjanić" 2010. godine.
PLANETARIJOM A. D. 2010.
Kakšna se to slika vu možganih premika?!
pavk z Marsa, nora farsa
Kapetan Tom, velki plavi slon
zgubil se Avalon
Ziggy Stardust prevzemle vlast
Hudi jemle mast
jemle mast, jemle žolč
nese pekla kluč
nese pekla kluč, vtrne luč
jemle tebe, jemle mene
pak se dere, kune
kune žoltare žveplene
peklenske, ognjene
vu požirak te dene
pak berboče
pak klopoče
oštri osti, lomi kosti
rivle strup vu tvoj nos
vriščeš kak ponoreli kos
ogenj liže, kuri hiže
vu meni nori črv
se okoli same kerv
istinu iščuč
kriči vumiruč
kakšna se to slika vu možganih premika?!
vu zelenom kaputu smert se regeta vu kotu
