Danas objavljujemo pjesmu Tomislava Ribića iz ciklusa KAJ pop music (uglazbljene / neuglazbljene pjesme)
POPEVKA ZA DRAGE LJUDE
V jutro mi je mesec mahnul
Gda odhajala sem vu škole vu grad
Zažmirel je na jeno joko i šepnul da me ima rad
Veter je cvetje gladil, deci je senje kral
Fakin stari kam idem dobre je znal
Martinov deda usput mi je prišel
Žalosten je bil, da odhajam on ni znal
Sam me je pogledal i rojžicu dal
Pa me je na juternji cug odpelal
Kolko tega skrivlemo vu duši ni sami ne znamo kak
A veter po polu raznaša rascveteni rožnjak, i žito i mak
Se kaj je lepo skrivleš vu srcu i neseš po svetu svud
A gda dojde zadnji čas spustiš suzu za svoju grud
Vu jutro još mesec je spal
Gda na posel išla sem ja
Tolka leta su prešla od onda gda šepnul je da ima me rad
Človek menja navike, ime i grad
i ne pozabi vu duši sakog kaj bil mu je drag
